कालीटाइम्स संवाददाता
डेढगाउँ
गाविसले महिलालाई लक्षित गरी दिएको तीस हजार रुपैया अनुदानबाट डेढगाउँका १८ महिलाले सीलाई कर्टाई सिकेका छन् । तीन महिनासम्म चलेको सीलाई कर्टाईमा प्रत्येक वडाका दुइ दुइ जना महिला सहभागिता थिए भने ती मध्ये १७ जना विवाहित थिए ।
यस्ता सीपमूलक कामबाट रोजगार पाउन सजिलो हुने र राम्रो आम्दानी समेत गर्न सकिन्छ भन्ने उदेश्यले सो कार्यक्रमको अवधारणा ल्याइएको कार्यक्रमकी अध्यक्ष भागिरथ ओझाले बताउनुभयो ।
प्रशिक्षक धर्म मालीले प्रशिक्षण दिनुभएको तालिममा मालीलाई १८ हजार रुपैया दिइएको थियो भने, मेसीन औजार भाडा र खरिदमा सात हजार रुपैया खर्च भएको थियो । यसबाहेक धागो कैंची फिता, तेल, कपी, कलम आदिमा पाँच हजार रुपैया खर्च भएको ओझाले बताउनुभयो ।
तालिम पछि आफूले सिकेका सिपलाई व्यवहारमा उतार्ने भन्दै त्यसो नगरे कारवाही स्विकार हुने प्रतिवद्धता महिलाहरुले व्यक्त गरेका छन् ।
No comments:
Post a Comment
Please leave your comment here