हजुर्बा-हजुरआमाको जमाना फर्केन त ?

अब फेरि सोसाइटीमा पर्नका लागि ओस्कार पाका फिलिमका सिडी किन्न जान परो। 'जमाना कहाँ पुगिसक्यो' भन्नेलाई जवाफ दिनुपर्नेछ - जमाना जहाँ पुगेको भनिए पनि संवादरहित व्ल्याक एन्ड व्हाइट फिल्म 'दी आर्टिस्ट'ले जित्यो त ओस्कार। आखिर हजुर्बा-हजुरआमाको पालो फर्किएन त...

बबरमहल विष्फोट

बबरमहल विष्फोटमा परी मृत्युहुनेहरु कोही कुनै राजनीतिक दलसँग सम्बन्धित नभएर त होला नि अहिलेसम्म कसैले उनीहरुलाई शहीद बनाउनुपर्छ र उनका आफन्तलाई १० लाख राहत स्वरुप उपलब्ध गराउनुपर्छ भनेर माग नगरेको। सरकार! तुरुन्त विष्फोटमा मारिनेका आफन्त र उपचाररत घाइतेहरुका लागि राहत, क्षतिपूर्तिको व्यवस्था गर।

पशुपतिनाथको डमीलाई भारततिर घुमाउने कि?

तिरुपति भगवानलाई हिजो खुलामञ्चमा दर्शन गर्ने वा गर्न नपाउने कतिले घराँ टेन्सन दिइसके होलान् अब असली तिरुपतिको दर्शन गर्न भारतै जान पर्यो भनेर। भगवान पनि भारतबाटै आयात गर्नेहरुले बरु हाम्रो पशुपतिनाथको डमीलाई नि भारततिर लगेर डुलाए हुने नि अलिक टुरिस्ट बढ्थे कि...

चोरलाई चौतारी, साधुलाई सुली

ई, हेल्मेट नलाइकन मोटरसाइकल चलाएका एमाले कार्यकर्तालाई पक्रिँदा माफी माग्न परो भनी राजिनामाको घोषणा गरेका दाङका ट्राफिक प्रहरीलाई पो कारबाही गर्ने परिपत्र गरे्छ त प्रहरी केन्द्रीय कार्यालयले। हुन त तिनै ट्राफिक प्रहरीलाई कारबाही नगरे कसरी पो चोरलाई चौतारी, साधुलाई सुली भन्ने हाम्रो उखान प्रमाणित हुन्थ्यो र....

हिसाब बराबर

मोरङ पथरीबाट विदेश गएका जीतबहादुर दर्नालकी श्रीमती दीपक नेपालीले उडाइदिएछन्। विदेशबाट फर्किएर जीतबहादुरले आफ्नै श्रीमती भगाउने जारको श्रीमतीसँग बिहे गरेछन् । (गोरखापत्रको समाचार) बराबर, हिसाब बराबर भनेको त यस्तो पो हो।

माग पश्चिमको बन्द पूर्वमा

मध्य र सुदर पश्चिमतिर खसान राज्यको माग गर्दै क्षेत्रीहरुले पूर्वाञ्चलमा तीन दिने बन्द गरिरहेका छन्। माग पश्चिमतिर... बन्द किन पूर्वमा गर्या भनेर एक जना क्षेत्रीलाई सोध्या, 'पश्चिममा क्षेत्री धेरै छन्, त्यता बन्दा गर्दा आफ्नैलाई दुःख हुन्छ त्यही भएर पूर्वतिर बन्द गर्या' रे। यस्तै चालले हो भने कुन दिन काठमाडौंमा नेवा राज्यको माग गर्दै कर्णाली महाकाली अञ्चल बन्द हुने हो यो देशमा...

गाउँ तब बजार बन्छ जब कोरियन इन्स्टिच्युट थपिन्छ

देशको विभिन्न जिल्लाका गाउँ/बजार घुम्दै गर्दा मैले फेला पारेको एउटा नयाँ तथ्य। नेपालको कुनै पनि ठाउँ बजार हो कि होइन भनेर जाँच्ने एउटा नयाँ मापक विकास भएको रहेछ। जुनकुनै गाउँ तब मात्र बजार/शहर बन्छ जब त्यहाँ कोरियन भाषा सिकाउने एउटा इन्स्टिच्युट पनि थपिन्छ।

कुर्चीमै नाम

सबैलाई कुर्ची प्यारो हुनहुन्छ भने गाउँका हेडमास्टरलाई किन नहुने। उनले लेखेरै राखिदिए। यो नवलपरासी जिल्ला डेढगाउँको कालीगण्डकी विद्यालयको हेडमास्टर बस्ने कुर्ची हो।

को आदिवासी / कस्को राज्य ?

(यो सामाग्री मेरो जिमेलमा पहिलोपटक नचिनेका मानिसले पठाएका थिए, त्यसपछि अरुले पनि पठाए। यी साँच्चै मानिसको जीवनमा परेरै लेखेको हो कि होइन भन्नेमा चाहिँ शंका छ।)

शेर्पिनी आमा  र क्षेत्री बाउको कोखमा जन्मेर, पल्लो किरात हुदै सर्लाहीको लालबन्दीमा  बाआमाले चलाएको टहरोको  होटलमा भात बेच्न सहयोग गर्दै हुर्के म । नाईट बसको पछि लागेर पूर्वतिर ओहोरदोहोर गर्दागर्दै इटहरीमा होटेल गर्ने बान्तबा राई कि छोरी मन पर्यो र तिनीसँगै घरजम गरियो।
सुने अनुसार मेरा आमातिरका पुर्खा तिब्बत तिरबाट सय बर्ष जति अघि हिमाल काटेर नेपाल भित्रिएका हुन रे। बा तिरका भने कर्णाली तिरबाट ६-७ सय बर्ष पहिले भैसी चराउदै पूर्वतिर आएका हुन रे। मेरो शरीरमा यी दुबैको रगत छ र आफ्ना पुर्खा प्रति गर्व छ।

घरका प्रहरीले पक्डिहाल्छन्

मदिरा सेवन गरी गाडी चलाउनेलाई प्रहरीले पहिले पहिले त सुँघेरै एकदिन मामा घर लगेर छाडिदिन्थ्यो। आजभोलि चाहिँ ब्रेथलाइजरको प्रयोग गरेर रक्सी खाको नखाको पत्ता लगाउने गर्याछ। तर एक जना जड्याहाँलाई उनको प्रहरी साथीले भन्या रे, मदिरा सेबनपछि प्याजको एक टुक्रा चपाइदियो भने त्यो ब्रेथलाइजरले केही नाप्दैन रे। कस्तो पुलिस परेछ बा फसाउनलाई भन्या हो ? हो कि नाई....

यहाँ कसको विश्वास

‎'मन्त्री जेल कुरिरहेका छन् (त्यो बेलामा चिरन्जिवी वाग्ले पछि जेपी गुप्ता पनि) , आइजीपी भ्रष्टाचार मुद्दा खेपिरहेका छन्, सभासद् अपहरण गरिरहेका छन्' प्रधानमन्त्री बाबुराम भट्टराई नै देशमा कसैले कसैलाई विश्वासै गर्न नसक्नेगरी विकृत बन्दै गएको बताएका बेलामा के को भ्यालेन्टाइन् डे ? यहाँ कसको विश्वास...

भ्यालेन्टाइन डे थाहा होला नि

हिजो साँझ बाटो हिँड्दै गर्दा सुनेको संवाद : 'श्रीपञ्चमी कहिले थियो र ?' छोरीले आमालाई सोधिन्। आमाले फर्काइन्, 'तँलाई श्रीपञ्चमीको के चासो, भ्यालेन्टाइन डे थाहा होला नि।'
धन्न बाउ त्यहाँ थिएनन् होला नभए तँलाई शहीद दीवस कहिले भन्ने पनि थाहा छैन भनेर छोरीलाई भन्दा हुन्।

यो उमेराँ नि क्याम्पस नगई सरकारले सुखै दिएन

आफ्नो साधन नभएसी काठमाडौंमा दिनदिनै माइक्रो र बसमा हिड्न पर्छ। बसाई र जागिरै पनि ६ किलोमिटर टाढा छ। विद्यार्थी परिचय पत्र भएसी यात्रामा लगभग आधा छुट पाउने भए नि के लोभ गर्नु, भनेर चुप बसिराथें तर अब त भएन। सवारी साधन भाडामा ४० प्रतिशत र ग्याँस, मट्टितेलमा ३० प्रतिशत छुट पाइने भएसी विश्वभाषा क्याम्पसाँ भर्ना भर चाइनिज भाषा सिक्न परो। बिस्तारै चिनको प्रभाव देशमा बढ्दै गएकाले क्याम्पस गएर भाषा सिक्न थालेसी लङटर्ममा नि फाइदा होला नत्र अल्पकालीन नै सही ग्याँस र भाडामै फाइदा। यो उमेराँ नि क्याम्पस नगई सरकारले सुखै दिएन।

सुशील कोइराला दुई दिन/दुई बोली

काँग्रेस सभापति सुशील कोइराला –
‘शान्ति प्रकृया नटुङ्गिएसम्म सरकारको नेतृत्व गर्दैनौँ -हिजो विराटनगरमा
‘काँग्रेसको नेतृत्वमा सरकार नबने शान्ति प्रकृया नै टुङ्गिदैन’-आज तेह्रथुममा
अचम्म लाग्छ यस्ता समाचार लेख्ने पत्रकार र पढ्ने पाठक हामी दुबै बहुलाएका छैनौं।

दोस्रो ओस्कारमा नोमिनेट

मैले खेलेको* पहिलो फिल्म हाइवेले बर्लिन फिल्म फेस्टिभलमा छनौट भएछ। फिल्म डाइरेक्टरहरु याद गर्नुहोस् है कसैले दोस्रोमा मलाई खेलायो भने त सिधै ओस्कारमा नोमिनेट हुने संभावना देखेको छु मैले त।
*खेलेको मतलब सुटिङ भइराको ठाउँमा गएर सुटिङ हेर्न उभिएको, पुलिसको छोटो रोल चाहियारच,खेलाइदिए गए नि। यस्तो भएको चाहिँ हैन खासमा। तर नेपाली चलचित्रका कलाकारहरु यसरी नै छानिन्छन् कि ? मेरो चाहिँ डाइरेक्टर दीपक रौनियार साथी भएकाले उनले मलाई अभिनय गराएको हुनुपर्छ।

रिमिक्स उखान

गीत मात्र होइन उखान पनि आजभोलि निकै रिमिक्स भारैछन्। दैलेख जाँदा सुनेका दुई रिमिक्स उखान :
1. भिरबाट लड्ने गोरुलाई, बेस्ट अफ लक।
2. १२ वर्ष गीता पढायो, मान्छे त क्रिश्चियिन भयो।

खानाँ भन्दा बढी वास्ता बाहनाँ

मान्छेलाई दुधको भन्दा बढी चिन्ता पेट्रोलको हुँदोरछ। आधा लिटर दुधको पोकामा तीन रुपैयाँ लिटरमा ६ रुपैयाँ बढ्दा मान्छे कोही विरोध गर्‍या नाई। पेट्रोलाँ यत्रो बढ्या भए... अहिलेका मान्छेलाई खानाँ भन्दा बढी वास्ता बाहनाँ जो छ।