कलियुगका कुरा: कुन दिन जहाजै बेचेर हरायो भन्छन्

Monday, November 14, 2011

कुन दिन जहाजै बेचेर हरायो भन्छन्

नेपाल वायुसेवा निगम (Nepal Airlines) को ४ करोड रुपैयाँ पर्ने Flight Away Kit केही महिना अगाडिदेखि हराएको छ। निगमको बोइङको ३० लाख रुपैयाँ पर्ने दुइटा पाङ्ग्रा केही साता अगाडि कसले झिकेको हो पत्तो छैन। र, केही दिन अगाडि ८० लाख पर्ने ल्यान्डिङ गियर भन्सारबाटै चोरी भएछ।
यो समाचर पढेपछि मलाई त डर लागिरहेको छ कुन दिन वायुसेवा निगमका तस्करहरुले जहाज दिल्ली वा हङकङ पुगेका बेला उतै बेच्छन् र यता आएर जहाजै हरायो भन्छन्।

तर यो कुरा तत्काल भन्न चाहिँ भएको छैन। अहिले नागरिक उड्ययन मन्त्री माओवादी पार्टी कै लोकेन्द्र विष्ट मगर हुनुहुन्छ। माओवादीकै पूर्व मन्त्री खड्गबहादुर विकले बनाएका कार्यकारी अध्यक्षमा कवि मनरुप नेप्च्युन हुनुहुन्छ। हामीले यसो भनेमा प्रधानमन्त्री बाबुराम भट्टराईको सिको गर्दै माओवादी नेताहरुले 'निगम विरोधको खेती गरेर डलरको बाली भित्र्याउने जुन सानो समूह छ, त्यसले हल्ला गर्नुलाई हामीले अन्यथा मान्नु हुँदैन, डलर पाएरै निगमको विरोध गरे' भन्न सक्नुहुन्छ।

माल्दिभ्सबाट फर्केका प्रधानमन्त्री भट्टराईले ज्यानमुद्दामा सर्वस्वसहित जन्मकैदको सजाय पाएका माओवादी सभासद बालकृष्ण ढुंगेललाई आममाफी दिने सरकारी निर्णयको विरोध गर्नेलाई 'द्वन्द्वको खेती गरेर डलरको बाली भित्र्याउने जुन सानो समूह छ, त्यसले हल्ला गर्नुलाई हामीले अन्यथा मान्नु हुँदैन' भनेका छन्।

Jugal Bhurtel, Yadav Bhattarai, Dipendra Karki and 75 others like this.
4 shares
- Tara Thapa Magar समसायिक विसंगतिलै दह्रो झापड ...........
  
  Yesterday at 11:57am ·
- Jaw Knock Raazaa भैचालो आइरन्च दाजु । पाङ्ग्रा त गूडेर कतै गो होला फर्केर आम्च ! :)))
  
  Yesterday at 12:00pm ·
- Bharat Regmi PM Bhattarai raati airport aayechan tesile usailai sodhnu parala kasle choryo bhanera.
  
  Yesterday at 12:02pm ·
- Saurav Dhakal रसियन यान त हरायो जाबो जहाज हराए के अचम्म पर्नु ..
  
  Yesterday at 12:03pm ·
- Keshav Raj Pathak Hahahahahahahahahahahahaha hora vanya dada, hahaha hanso po lagyo hahahahahahahahaha,
  
  Yesterday at 12:04pm ·
- Pallav Paudel hasna parne karan dherai chhan daju
  
  Yesterday at 12:12pm ·
- Ram Radha Ghimire hahahaahahahaahaha
  
  Yesterday at 12:42pm ·
- Tufan Neupane ye fataha jati bhattrai nai huda rahe6an.... gayeb pani aafai parne ra dosh pani aafai lagaune ? dai chai kun prakarko bhattrai ma parnu vo kuinni ?
  
  Yesterday at 12:45pm ·
- Anuj Shrestha दिपक सरको सिस्नो पानीले गैंडा जस्ता नेता र प्रशासनका हाकिमहरुलाई के छुन्थ्यो!!
  
  Yesterday at 1:10pm ·
- Peshal Joshi Vai rakheko chori lai dekhyer talab khane haru ta khusi holan hai?
  
  Yesterday at 4:34pm ·
- Banjade Ganesh Prasad दिपक सरको कुरा पनि हामीले अन्यथा मान्नु हुँदैन'।
  
  Yesterday at 4:57pm · · 1
- Rajendra Aryal RA ni k saro khattam bhako ho. het.
  
  Yesterday at 6:07pm ·
- Deepkiran Sharma Kursi ko tatole tinko gidi pagliyeko aajkal.
  
  Yesterday at 7:14pm ·

No comments:

Post a Comment

Please leave your comment here

को हो?

सन् २००९ देखि २०१३ सम्म मैले लेख्ने फेसबुक स्टाटसको अन्त्यमा 'हास्नुपर्ने कारण धेरै छन् हा हा हा... ' भनेर लेखिएको हुन्थ्यो। त्यही हास्नुपर्ने कारणलाई कोही कोही साथीले 'खुब मन पर्छ त्यसलाई एक ठाउँमा संग्रह गरेर राख् न' भनेर उचालेकाले कली टाइम्स (कलियुगका कुरा) शुरु भएको हो। फेसबुकले स्टाटसमा निश्चित क्यारेक्टर मात्र राख्न दिने हुनाले (त्यतिबेलाका कुरा, अहिले त परिवर्तन भइसक्यो) कतिपय लामा स्टाटस पनि यहाँ हुन्छन्।

र, कहिलेकाँही मलाई लेख्न मन लाओ भने तीन हजार शब्द पनि लेखेको र त्यसलाई यहाँ थुपारेका उदाहरण छन्। त्यसबाहेक मैले कुनै कुनै पत्रिका वा अनलाइनका लागि लेखेको लेखलाई पनि मन लाग्दा लाग्दा यहाँ थुपार्ने गर्छु।

खासमा चाहिँ मेरा बाउआमाले राख्देको नाम दीपक भट्टराई हो। आफैं केही गरेर अरुलाई रोजगार दिने पाइन (खुबी) नभइन्जेल पत्रकारको काम गरिरहेको छु। अहिले बिबिसी मेडिया एक्सन म्यानमारमा सिरिज प्रोड्युसरको काम गर्छु। यस अगाडि २०१७ अक्टुबरसम्म बिबिसी मिडिया एक्सन नेपालले उत्पादन गर्ने साझा सवाल कार्यक्रमको सम्पादक थिएँ। तर मैले यहाँ राख्ने सामाग्रीमा म काम गर्ने संस्थाको कुनै साइनो छैन, 'गोरु बेचेको पनि।' यहाँ राखेका सामाग्री शुद्ध मेरा मनमा लागेका विशुद्ध कुरा हुन्।

सक्रिय पत्रकारिता गर्न थालेको दुई दशक भन्दा धेरै भयो। स्पेसटाइम भन्ने दैनिक पत्रिकामा दुई वर्ष जति, कान्तिपुर टिभीमा ६ वर्ष जति, दैनिकी र नागरिकन्युज अनलाइनमा डेढ वर्ष जति काम गरेपछि सन् २००९ देखि अहिलेको संस्थामा जागिरे छु।

धन्नै बिर्सिएको,

सन् २००८ मा यो ब्लग शुरु गर्दा यो ब्लगको नाम काली टाइम्स थियो। म काली गण्डकी (शालीग्राम पाइने)को किनारमा जन्मेको हुँ। डेढगाउँमा। कैयौं दिन अनि कैयौं रात गण्डकी किनारमा कहिले एक्लै, कहिले दुक्लै र कहिले साथीहरूसँग बिताएको हुनाले काली गण्डकीसँग मेरो विशेष लगाव छ। हर्मन हेस्सेको पुस्तक सिद्वार्थ, पारिजातको शिरिषको फूल, सरुभक्तको पागलवस्ती मैले काली गण्डकी किनारमा पढेको थिएँ। जुन म बाँचिन्जेल स्मरणमा रहला, अल्जाइमर्स नलागोस्।

सन् २००८ तिर मैले केही साथीहरूसँग मिलेर काली टाइम्स नामको पत्रिका पनि प्रकाशन गर्थें। त्यसमा गण्डकी प्रदेश अन्तरगत नवलपुर जिल्लाको डेढगाउँ, रकुवा, रुचाङ, नरम, बुलिङटार आदि ठाउँका समाचार, लेख, अन्तरवार्ता छापिन्थे। त्यो बेला देश संघीयतामा गएको तथा प्रदेश बनिसकेको थिएन। आर्थिक अभावका कारण डेढ वर्षपछि त्यो गाउँले पत्रिका नियमित गर्न सकिएन। त्यतिबेलाका केही सामग्री पनि यो ब्लगमा छ।