नारी दिवस - जुँगा चट ?

हिजोसम्म जुँगा राखेर अफिस आइपुगेका कमल

हिजोसम्म जुँगा राखेका कमल कुमार ले आज अफिस आउँदा जुँगा खौरेर आएछन्।  नारी दिवसको जय होस्....। जुँगा फालेपछि हिजोको जस्तो चमक मैले आज उनको अनुहारम देखेको छैन। (जुँगा फालेको फोटो तल छ)

लक्ष्मीप्रसाद देवकोटाको 'जुँगा' भन्ने निवन्ध मैले सानैमा पढेको थिएँ। त्यहाँ उनले जुँघालाई मर्दानापनको परिचय मात्र भनेका छैनन्, जुँगामा ताल लाउँदाको मजाको विषयमा पनि व्याख्या गरेका छन्। त्यसका साथै जुँघा नआउने महिलाका साथै केही जनजातिहरु प्रति पनि उनले सहानुभुति जनाएका छन्।

जुँगा खौरिएपछि आज अफिस आइपुगेका कमल

कमलले नारी दिवसकै दिन जुँगा फालेर आए पनि यो संयोग मात्र हुन सक्छ। तर जुँगा र नारीको कहिं न कहिं पक्कै सम्बन्ध छ। पुरुषले जुँगा राखेको प्राय महिलाहरुले नरुचाएको मेरो चाहिँ अनुभव छ। तपाइको के छ कुन्नि...