कलियुगका कुरा: पत्रिकै पिच्छे फरक खवर

Friday, December 10, 2010

पत्रिकै पिच्छे फरक खवर

क्या टेन्सन भो यार आज चार'टा पत्रिका पढ्दा: कान्तिपुर र काठमाण्डु पोस्टले लेखेको 'भारतले राजदूत राकेश सुद'लाई फिर्ता बोलाउने भनेर लेखेको सम्चारलाई पत्याउने कि ? अन्नपूर्ण पोस्ट र हिमालयन टाइम्सले लेखेको 'भारतले राकेश सुदलाई फिर्ता बोलाउन लागेको छैन' भनेको सम्चारलाई.... पत्रिकाहर्ले नि बेलाँ बेलाँ लाइन चेन्ज गर्छन् भन्थ्यो एउटा साथी। कुनले आधिकारिक सम्चार दिने हुन् कुन्नि...

December 10,2010 · · Comment

Subas Pokharel, Kadambini Sharma, माननीय सभासद and 10 others like this.
- Indra Kshetri नागरिक न्यूजले...
  5 hours ago · · 1 person
- Maya Hiski Magar Dipak ji tenson nalinush,neta ka kura hun dubai sahi huna sakchha. patrikalai k ko dos????
  5 hours ago · · 1 person
- Shuphal Kafle अन्नपूर्ण पोष्टले हिजोको खेल समाचारमा नबिल थ्रिस्टार व्रिटिस गोर्खा कप फुटबलको क्वाटर फाइनल भनेर लेखेको थियो । अरुले क्वाटर फाइनल पुग्ने संभावना बलियो भनेर लेखेका थिए । पछि बुझ्दै जाँदा अरु पत्रिका सही रहेछन् । थ्रिस्टारको त प्रतियोगिताबाट बाहिरिने संभावना पनि रहेछ । यसैले आज पनि अन्नपूर्णको समाचार झुठो छ भन्ने मेरो मान्यता हो ।
  4 hours ago · · 2 people
- Pravin Bhusal दीपक सर आफैले सम्पादन गरि बुझुनुपर्ने होला नि हो। काट्-छाट गरि मिलाउनु नि...
  4 hours ago ·
- Ghimire IGhanashyam Tori lahure patrika ani patrakar bhayepachi ke garnu ?
  4 hours ago ·
- Post B Basnet Ke ho bro, khali utpatyang kuro matrai rakhne facebookma
  3 hours ago ·

No comments:

Post a Comment

Please leave your comment here

को हो?

सन् २००९ देखि २०१३ सम्म मैले लेख्ने फेसबुक स्टाटसको अन्त्यमा 'हास्नुपर्ने कारण धेरै छन् हा हा हा... ' भनेर लेखिएको हुन्थ्यो। त्यही हास्नुपर्ने कारणलाई कोही कोही साथीले 'खुब मन पर्छ त्यसलाई एक ठाउँमा संग्रह गरेर राख् न' भनेर उचालेकाले कली टाइम्स (कलियुगका कुरा) शुरु भएको हो। फेसबुकले स्टाटसमा निश्चित क्यारेक्टर मात्र राख्न दिने हुनाले (त्यतिबेलाका कुरा, अहिले त परिवर्तन भइसक्यो) कतिपय लामा स्टाटस पनि यहाँ हुन्छन्।

र, कहिलेकाँही मलाई लेख्न मन लाओ भने तीन हजार शब्द पनि लेखेको र त्यसलाई यहाँ थुपारेका उदाहरण छन्। त्यसबाहेक मैले कुनै कुनै पत्रिका वा अनलाइनका लागि लेखेको लेखलाई पनि मन लाग्दा लाग्दा यहाँ थुपार्ने गर्छु।

खासमा चाहिँ मेरा बाउआमाले राख्देको नाम दीपक भट्टराई हो। आफैं केही गरेर अरुलाई रोजगार दिने पाइन (खुबी) नभइन्जेल पत्रकारको काम गरिरहेको छु। अहिले बिबिसी मेडिया एक्सन म्यानमारमा सिरिज प्रोड्युसरको काम गर्छु। यस अगाडि २०१७ अक्टुबरसम्म बिबिसी मिडिया एक्सन नेपालले उत्पादन गर्ने साझा सवाल कार्यक्रमको सम्पादक थिएँ। तर मैले यहाँ राख्ने सामाग्रीमा म काम गर्ने संस्थाको कुनै साइनो छैन, 'गोरु बेचेको पनि।' यहाँ राखेका सामाग्री शुद्ध मेरा मनमा लागेका विशुद्ध कुरा हुन्।

सक्रिय पत्रकारिता गर्न थालेको दुई दशक भन्दा धेरै भयो। स्पेसटाइम भन्ने दैनिक पत्रिकामा दुई वर्ष जति, कान्तिपुर टिभीमा ६ वर्ष जति, दैनिकी र नागरिकन्युज अनलाइनमा डेढ वर्ष जति काम गरेपछि सन् २००९ देखि अहिलेको संस्थामा जागिरे छु।

धन्नै बिर्सिएको,

सन् २००८ मा यो ब्लग शुरु गर्दा यो ब्लगको नाम काली टाइम्स थियो। म काली गण्डकी (शालीग्राम पाइने)को किनारमा जन्मेको हुँ। डेढगाउँमा। कैयौं दिन अनि कैयौं रात गण्डकी किनारमा कहिले एक्लै, कहिले दुक्लै र कहिले साथीहरूसँग बिताएको हुनाले काली गण्डकीसँग मेरो विशेष लगाव छ। हर्मन हेस्सेको पुस्तक सिद्वार्थ, पारिजातको शिरिषको फूल, सरुभक्तको पागलवस्ती मैले काली गण्डकी किनारमा पढेको थिएँ। जुन म बाँचिन्जेल स्मरणमा रहला, अल्जाइमर्स नलागोस्।

सन् २००८ तिर मैले केही साथीहरूसँग मिलेर काली टाइम्स नामको पत्रिका पनि प्रकाशन गर्थें। त्यसमा गण्डकी प्रदेश अन्तरगत नवलपुर जिल्लाको डेढगाउँ, रकुवा, रुचाङ, नरम, बुलिङटार आदि ठाउँका समाचार, लेख, अन्तरवार्ता छापिन्थे। त्यो बेला देश संघीयतामा गएको तथा प्रदेश बनिसकेको थिएन। आर्थिक अभावका कारण डेढ वर्षपछि त्यो गाउँले पत्रिका नियमित गर्न सकिएन। त्यतिबेलाका केही सामग्री पनि यो ब्लगमा छ।