कलियुगका कुरा: न्याय हेल्थलाई एक भोट

Sunday, September 9, 2012

न्याय हेल्थलाई एक भोट

न्याय हेल्थ संस्थाले सरकारसँग मिलेर अछामको बलयपाटामा चलाइरहेको अस्पतालमा विरामी र तिनका आफन्तहरु चिकित्सक देखाउन पालो कुर्दै

गत साता सुदुरपश्चिमाञ्चलको दुर्गम जिल्ला अछाम जाने मौका मिल्यो। अछाम नेपालको विकास सुचाङ्कमा स्वास्थ्यस्थिति देखि हरेक क्षेत्रमा कमजोर जिल्लामा पर्दछ। अछामीहरुको कमजोर स्वास्थस्थिति, अपुग स्वास्थ्य संस्था र तिनको अव्यावसायिक हालत देखेर होला चिकित्साशास्त्र अध्ययन गरिरहेका केही विदेशी विद्यार्थीहरु अछाम आएर गाउँलेहरुलाई स्वास्थ्यसेवा पुर्याइरहेका रहेछन्।

बयलपाटा अस्पतालमा चिकित्सकलाई देखाउन अगाडि बाहिर कुर्ने कक्ष

'न्याय हेल्थ' संस्था मार्फत अमेरिकी चिकित्सकहरुले नेपाली सरकारसँग मिलेर अछामको बयलपाटामा अस्पताल सञ्चालन गरेका छन् भने सुदुरपश्चिमको दुर्गम क्षेत्रमा पाँच वटा निशुल्क क्लिनिक मार्फत स्वास्थ्य सेवा दिने योजना बुनिरहेका रहेछन्। (न्याय हेल्थको बारेमा बुझ्न link: http://www.nyayahealth.org/)

बयलपाटामा रहेको पुरानो अस्पताल भवन

यतिबेला न्याय हेल्थ अनलाइन मार्फत एउटा अन्तर्राष्ट्रिय प्रतियोगिता (Chase Community Giving Charity) मा भाग लिइरहेको छ। संसारका विभिन्न २०० वटा संस्थाबीच भइरहेको यो प्रतियोगितामा जुन संस्थाले फेसबुक मार्फत खसालिएका धेरै भोट पाउँछ त्यसले दुई लाख पचास हजार डलर पाउने रहेछ। कृपया नेपालको दुर्गममा स्वास्थ्य सेवा पुर्‍याइरहेको यो संस्थालाई विजयी गराउन तलको लिंकमा गएर भोट गरिदिनुहोला र जति सकिन्छ धेरैलाई इमेल मार्फत यो जानकारी पनि दिनुहोला। तपाइको एउटा भोटले धेरै सुदुरपश्चिमेलीको स्वास्थ्यस्थिति सुध्रिन सक्छ।

भोट गर्ने तरिका यस्तो छ:
1. आफ्नो फेसबुक खोल्नुहोस्

2. https://www.facebook.com/ChaseCommunityGiving/app_162065369655?cv=2&app_data=ein|51-0496452|ref|6a47449e94 मा जानुहोस्।

3. Vote बटनमा क्लिक गर्नोस्। संगै देखापर्ने Allow Applications मा क्लिक गर्नोस् अनि नयां पेज खुल्छ। त्यसमा Log in with facebook मा क्लिक गर्नोस्, कहिलेकाहिं page refresh गर्नुपर्छ नत्र Vote बटनमा क्लिक गरेपछि तपाईंको भोट प्राप्त हुन्छ।

No comments:

Post a Comment

Please leave your comment here

को हो?

सन् २००९ देखि २०१३ सम्म मैले लेख्ने फेसबुक स्टाटसको अन्त्यमा 'हास्नुपर्ने कारण धेरै छन् हा हा हा... ' भनेर लेखिएको हुन्थ्यो। त्यही हास्नुपर्ने कारणलाई कोही कोही साथीले 'खुब मन पर्छ त्यसलाई एक ठाउँमा संग्रह गरेर राख् न' भनेर उचालेकाले कली टाइम्स (कलियुगका कुरा) शुरु भएको हो। फेसबुकले स्टाटसमा निश्चित क्यारेक्टर मात्र राख्न दिने हुनाले (त्यतिबेलाका कुरा, अहिले त परिवर्तन भइसक्यो) कतिपय लामा स्टाटस पनि यहाँ हुन्छन्।

र, कहिलेकाँही मलाई लेख्न मन लाओ भने तीन हजार शब्द पनि लेखेको र त्यसलाई यहाँ थुपारेका उदाहरण छन्। त्यसबाहेक मैले कुनै कुनै पत्रिका वा अनलाइनका लागि लेखेको लेखलाई पनि मन लाग्दा लाग्दा यहाँ थुपार्ने गर्छु।

खासमा चाहिँ मेरा बाउआमाले राख्देको नाम दीपक भट्टराई हो। आफैं केही गरेर अरुलाई रोजगार दिने पाइन (खुबी) नभइन्जेल पत्रकारको काम गरिरहेको छु। अहिले बिबिसी मेडिया एक्सन म्यानमारमा सिरिज प्रोड्युसरको काम गर्छु। यस अगाडि २०१७ अक्टुबरसम्म बिबिसी मिडिया एक्सन नेपालले उत्पादन गर्ने साझा सवाल कार्यक्रमको सम्पादक थिएँ। तर मैले यहाँ राख्ने सामाग्रीमा म काम गर्ने संस्थाको कुनै साइनो छैन, 'गोरु बेचेको पनि।' यहाँ राखेका सामाग्री शुद्ध मेरा मनमा लागेका विशुद्ध कुरा हुन्।

सक्रिय पत्रकारिता गर्न थालेको दुई दशक भन्दा धेरै भयो। स्पेसटाइम भन्ने दैनिक पत्रिकामा दुई वर्ष जति, कान्तिपुर टिभीमा ६ वर्ष जति, दैनिकी र नागरिकन्युज अनलाइनमा डेढ वर्ष जति काम गरेपछि सन् २००९ देखि अहिलेको संस्थामा जागिरे छु।

धन्नै बिर्सिएको,

सन् २००८ मा यो ब्लग शुरु गर्दा यो ब्लगको नाम काली टाइम्स थियो। म काली गण्डकी (शालीग्राम पाइने)को किनारमा जन्मेको हुँ। डेढगाउँमा। कैयौं दिन अनि कैयौं रात गण्डकी किनारमा कहिले एक्लै, कहिले दुक्लै र कहिले साथीहरूसँग बिताएको हुनाले काली गण्डकीसँग मेरो विशेष लगाव छ। हर्मन हेस्सेको पुस्तक सिद्वार्थ, पारिजातको शिरिषको फूल, सरुभक्तको पागलवस्ती मैले काली गण्डकी किनारमा पढेको थिएँ। जुन म बाँचिन्जेल स्मरणमा रहला, अल्जाइमर्स नलागोस्।

सन् २००८ तिर मैले केही साथीहरूसँग मिलेर काली टाइम्स नामको पत्रिका पनि प्रकाशन गर्थें। त्यसमा गण्डकी प्रदेश अन्तरगत नवलपुर जिल्लाको डेढगाउँ, रकुवा, रुचाङ, नरम, बुलिङटार आदि ठाउँका समाचार, लेख, अन्तरवार्ता छापिन्थे। त्यो बेला देश संघीयतामा गएको तथा प्रदेश बनिसकेको थिएन। आर्थिक अभावका कारण डेढ वर्षपछि त्यो गाउँले पत्रिका नियमित गर्न सकिएन। त्यतिबेलाका केही सामग्री पनि यो ब्लगमा छ।