कलियुगका कुरा: एमाले प्रधानमन्त्रीको फ्याक्ट्री ?

Tuesday, April 5, 2011

एमाले प्रधानमन्त्रीको फ्याक्ट्री ?

हैन के सोच्या हो एमालेले, झलनाथ पछि फेरि एमालेकै प्रधानमन्त्री हुने र त्यस्को नेतृत्व के पी ओलीले गर्ने भनेछन् त माधव नेपालले। अनि के पी ओलीले फेरि म तत्काल प्रधानमन्त्री हुन्न भनेछन्। कागतालीले एमालेका दुई प्रधानमन्त्री भए भन्दैमा एमालेले आफूलाई त प्रधानमन्त्रीको फ्याक्ट्री नै सोच्या छ कि के हो ? यस्तै चालले एमालेका अरु एक जना प्रधानमन्त्री थपिउन् अनि अर्को चुनावाँ कति सिट आउँछ, थाहा हुन्छ...

इकान्तिपुरमा आको एमालेको प्रधानमन्त्री फ्याक्टी सम्बन्धि समाचार :

एमाले नेता केपी शर्मा ओलीले आफू प्रधानमन्त्रीको आकांक्षी भएको बताएका छन् । ओलीले भने, 'शान्ति र संविधानलाई निष्कर्षमा पुर्‍याउनेबेलामा अब को प्रधानमन्त्री बन्ने भन्ने चर्चा अल्झनु हुँदैन ।'

मंगलबार बिहान रेडियो कान्तिपुरको नियमित कार्यक्रम 'द हेडलाइनस'मा कुरा गर्दै ओलीले पार्टी बरिष्ठ नेता माधवकुमार नेपालले अबको प्रधानमन्त्रीका रुपमा आफूलाई प्रस्ताव गरेकोमा असन्तुष्टिसमेत जनाए ।

सोमबार जनकपुरमा एमालेसम्बद्ध लोकतान्त्रिक मधेसी संगठनको कार्यक्रममा एमाले बरिष्ठ नेता नेपालले अब मन्त्रिमण्डल फेरबदल हुँदा ओली प्रधानमन्त्री हुने बताएका थिए । 'एमालेभित्र प्रधानमन्त्री बन्न लायकका नेता धेरै छन्, एमालेको पालो सकिएपछिमात्र अरु दलको पालो आउँछ,' उनले भनेका थिए ।

Dipak Basnet, Pankaj Deuja, Deepak Sharma and 7 others like this.

Adhikari Hari फेरी एमाले रोलान है यसो भण्डा खेरि सर

38 minutes ago ·
Jaw Knock Raazaa ओली को नाम मा एकताली हास्दियो ले जा । पर्दानमन्तरी हुन्न भनेछन ! दुई चार दिन अघी बाबुराम नि हुन्न भन्थे ! :))

25 minutes ago ·

No comments:

Post a Comment

Please leave your comment here

को हो?

सन् २००९ देखि २०१३ सम्म मैले लेख्ने फेसबुक स्टाटसको अन्त्यमा 'हास्नुपर्ने कारण धेरै छन् हा हा हा... ' भनेर लेखिएको हुन्थ्यो। त्यही हास्नुपर्ने कारणलाई कोही कोही साथीले 'खुब मन पर्छ त्यसलाई एक ठाउँमा संग्रह गरेर राख् न' भनेर उचालेकाले कली टाइम्स (कलियुगका कुरा) शुरु भएको हो। फेसबुकले स्टाटसमा निश्चित क्यारेक्टर मात्र राख्न दिने हुनाले (त्यतिबेलाका कुरा, अहिले त परिवर्तन भइसक्यो) कतिपय लामा स्टाटस पनि यहाँ हुन्छन्।

र, कहिलेकाँही मलाई लेख्न मन लाओ भने तीन हजार शब्द पनि लेखेको र त्यसलाई यहाँ थुपारेका उदाहरण छन्। त्यसबाहेक मैले कुनै कुनै पत्रिका वा अनलाइनका लागि लेखेको लेखलाई पनि मन लाग्दा लाग्दा यहाँ थुपार्ने गर्छु।

खासमा चाहिँ मेरा बाउआमाले राख्देको नाम दीपक भट्टराई हो। आफैं केही गरेर अरुलाई रोजगार दिने पाइन (खुबी) नभइन्जेल पत्रकारको काम गरिरहेको छु। अहिले बिबिसी मेडिया एक्सन म्यानमारमा सिरिज प्रोड्युसरको काम गर्छु। यस अगाडि २०१७ अक्टुबरसम्म बिबिसी मिडिया एक्सन नेपालले उत्पादन गर्ने साझा सवाल कार्यक्रमको सम्पादक थिएँ। तर मैले यहाँ राख्ने सामाग्रीमा म काम गर्ने संस्थाको कुनै साइनो छैन, 'गोरु बेचेको पनि।' यहाँ राखेका सामाग्री शुद्ध मेरा मनमा लागेका विशुद्ध कुरा हुन्।

सक्रिय पत्रकारिता गर्न थालेको दुई दशक भन्दा धेरै भयो। स्पेसटाइम भन्ने दैनिक पत्रिकामा दुई वर्ष जति, कान्तिपुर टिभीमा ६ वर्ष जति, दैनिकी र नागरिकन्युज अनलाइनमा डेढ वर्ष जति काम गरेपछि सन् २००९ देखि अहिलेको संस्थामा जागिरे छु।

धन्नै बिर्सिएको,

सन् २००८ मा यो ब्लग शुरु गर्दा यो ब्लगको नाम काली टाइम्स थियो। म काली गण्डकी (शालीग्राम पाइने)को किनारमा जन्मेको हुँ। डेढगाउँमा। कैयौं दिन अनि कैयौं रात गण्डकी किनारमा कहिले एक्लै, कहिले दुक्लै र कहिले साथीहरूसँग बिताएको हुनाले काली गण्डकीसँग मेरो विशेष लगाव छ। हर्मन हेस्सेको पुस्तक सिद्वार्थ, पारिजातको शिरिषको फूल, सरुभक्तको पागलवस्ती मैले काली गण्डकी किनारमा पढेको थिएँ। जुन म बाँचिन्जेल स्मरणमा रहला, अल्जाइमर्स नलागोस्।

सन् २००८ तिर मैले केही साथीहरूसँग मिलेर काली टाइम्स नामको पत्रिका पनि प्रकाशन गर्थें। त्यसमा गण्डकी प्रदेश अन्तरगत नवलपुर जिल्लाको डेढगाउँ, रकुवा, रुचाङ, नरम, बुलिङटार आदि ठाउँका समाचार, लेख, अन्तरवार्ता छापिन्थे। त्यो बेला देश संघीयतामा गएको तथा प्रदेश बनिसकेको थिएन। आर्थिक अभावका कारण डेढ वर्षपछि त्यो गाउँले पत्रिका नियमित गर्न सकिएन। त्यतिबेलाका केही सामग्री पनि यो ब्लगमा छ।