Wednesday, July 16, 2008

रुपाटारमा खानेपानीको सुविधा

प्रकाश चन्द्र गिरी
राम्जाकोट, तनहुँ
विजय विकास श्रोत केन्द्र र स्थानिय श्रमदानबाट तनहुँ जिल्लाको राम्जाकोट-२ रुपटारमा खानेपानीको धारा टोल-टोलमा पुगेको छ । रुपटारबाट करिब ५ किलोमिटर उत्तरमा पर्ने जुडी मुहानबाट ल्याइएको खानेपानी रुपटारको गिरी वस्ती, दरैगाउँ र सेपाङदी -१ मा पनि वितरण गरिएको छ ।
निर्माणको काम अन्तिम चरणमा पुगिसकेको र प्रत्येक टोल टोलमा पुग्ने गरी धारा राखिएको रुपटार खानेपानी आयोजनाका अध्यक्ष ऋषिराम गिरीले बताउनुभयो । विजय विकास श्रोत केन्द्र मार्फ महिला उत्थान र जागरणका लागि महिलाहरुलाई सङ्गठीत गर्ने काम पनि सुरु भएको छ ।
जागृति महिला समुहले यस गाउँलाई स्वच्छ, विकृति, विसङगति र कूलत मुक्त गाउँ बनाउन पहल गदै आएको छ भने विभिन्न सांस्कृतिक अभियानबाट आर्थिक श्रोत पनि जुर्टाई रहेको छ । यस्ता श्रोत सामाजिक सेवाका निम्ति खर्च गरिने समुहकी अध्यक्ष कोपिला गिरी बताउनुहुन्छ ।