कलियुगका कुरा: कलेजवालाहरुलाई फोकटमा सुझाव

Wednesday, June 29, 2011

कलेजवालाहरुलाई फोकटमा सुझाव

यो +2 र ब्याचलर कलेज खोल्नेहरुले विज्ञापनमा सारै धेरै पैसा खर्च गरेको देखेर माया लागेर एउटा सल्लाह फोकटमा दिउँ झैं लाग्यो। मंहगा +2 र ब्याचलर पढ्न आउने विद्यार्थीमा 90% को लक्ष्य विदेश छिर्ने हुन्छ। त्यसैले विज्ञापनाँ धेरै खर्च गर्न साटो कलेजमा थप एउटा विषय चाहिँ IELTS,GRE,GMAT,SAT के के जाति हो राख्दिनु, विदेश पढ्न जानका लागि अँग्रेजी परिक्षणको सम्बन्धी विषय कलेजले नै पढाइदिने भनेपछि विद्यार्थी ओइरिएर आउँछन्।

अमेरिका जान चाहनेलाई GMAT, GRE अरु पनि यस्ता होलान् मलाई थाहा नभएको, बेलायत, अष्ट्रेलिया जानेलाई IELTS आफ्नो इच्छाअनुसार पढ्ने मौका मिलाइदिनुहोस्। कम्तिमा दुई वर्ष लगाएर +2 र तीन चार वर्ष लगाएर ब्याचलर पास भएपछि फेरि विद्यार्थीले अँग्रेजी जाँच वाला परीक्षा दिन थप एक डेढ वर्ष समय त खर्च गर्न पर्दैन नि। विद्यार्थीको समय पनि बचत। विद्यार्थीका बाउ आमा पनि तपाइको कलेजबाट पास हुनासाथ विदेशमा जानलाई अँग्रेजीको जाँच दिन थप समय पढाईमा खर्च गर्न नपर्ने भनेपछि खुशी हुन्छन्।

विद्यार्थी आकर्षित गर्न जान्नु छैन खाली विज्ञापनाँ खर्च गरेर हुन्छ? के गर्नु आफूँले अरुको पनि उत्तिकै चिन्ता गरिन्छ अरुले पो आफ्नो चिन्ता गरिदिदैंनन् र?

Pawan Raj Giri, Ujwal Ojha, Adhikari Hari and 35 others like this.
- Raju Dahal ल दाजु कलेज खोलम् अब, ग्रेट अाइडीया
  Wednesday at 2:38pm ·
- युबराज गौतम अब यस्तै यस्तै चिन्ता गर्दै गयेसी त हो नी सल्लाहकार पद पाइने | कुनै कलेजले हाम्रो सल्लाहकार बसिदिनु पर्यो भनेर अनुरोध गर्यो भने नाइँ नभन्नु होला, मैले पनि चिन्ता गरेरै दिएको सल्लाह हो यो, तपाईलाई |
  Wednesday at 2:38pm · · 6 people
- IamBe Kas Dherai +2 collage haru thag hun.. no quality education,,, collage ma euta basketball court ra cigarette khane thau vayo vane kta haru lai pugihalchha ra kt haru lai short skirt lagauna diyo vane collage chalihalchha vanne sochhan +2 collage ko founder haru
  Wednesday at 2:46pm ·
- Raju Dahal हा हा हा झटारो डटकम
  Wednesday at 2:47pm ·
- Gokarn Bhatt aafaile college khole ho sir
  Wednesday at 2:57pm ·
- Arjun Dhakal O hoho !
  Wednesday at 3:02pm ·
- Deepkiran Sharma Not a bad idea !
  Wednesday at 5:04pm ·
- Tikaswari Rai sir , college ko naam ko bare ni kai leaknus na.
  Wednesday at 5:11pm ·
- Yadu Prasad Pokhrel ramro 6 sir
  Wednesday at 6:32pm ·
- मनोज तिमल्सिना Too much nice suggestion yar
  Wednesday at 11:09pm ·
- Adhikari Hari Baru Nursery dekhi nai rakhn pay jhan sajilo hunthyo hola hai .
  Yesterday at 2:11am ·

No comments:

Post a Comment

Please leave your comment here

को हो?

सन् २००९ देखि २०१३ सम्म मैले लेख्ने फेसबुक स्टाटसको अन्त्यमा 'हास्नुपर्ने कारण धेरै छन् हा हा हा... ' भनेर लेखिएको हुन्थ्यो। त्यही हास्नुपर्ने कारणलाई कोही कोही साथीले 'खुब मन पर्छ त्यसलाई एक ठाउँमा संग्रह गरेर राख् न' भनेर उचालेकाले कली टाइम्स (कलियुगका कुरा) शुरु भएको हो। फेसबुकले स्टाटसमा निश्चित क्यारेक्टर मात्र राख्न दिने हुनाले (त्यतिबेलाका कुरा, अहिले त परिवर्तन भइसक्यो) कतिपय लामा स्टाटस पनि यहाँ हुन्छन्।

र, कहिलेकाँही मलाई लेख्न मन लाओ भने तीन हजार शब्द पनि लेखेको र त्यसलाई यहाँ थुपारेका उदाहरण छन्। त्यसबाहेक मैले कुनै कुनै पत्रिका वा अनलाइनका लागि लेखेको लेखलाई पनि मन लाग्दा लाग्दा यहाँ थुपार्ने गर्छु।

खासमा चाहिँ मेरा बाउआमाले राख्देको नाम दीपक भट्टराई हो। आफैं केही गरेर अरुलाई रोजगार दिने पाइन (खुबी) नभइन्जेल पत्रकारको काम गरिरहेको छु। अहिले बिबिसी मेडिया एक्सन म्यानमारमा सिरिज प्रोड्युसरको काम गर्छु। यस अगाडि २०१७ अक्टुबरसम्म बिबिसी मिडिया एक्सन नेपालले उत्पादन गर्ने साझा सवाल कार्यक्रमको सम्पादक थिएँ। तर मैले यहाँ राख्ने सामाग्रीमा म काम गर्ने संस्थाको कुनै साइनो छैन, 'गोरु बेचेको पनि।' यहाँ राखेका सामाग्री शुद्ध मेरा मनमा लागेका विशुद्ध कुरा हुन्।

सक्रिय पत्रकारिता गर्न थालेको दुई दशक भन्दा धेरै भयो। स्पेसटाइम भन्ने दैनिक पत्रिकामा दुई वर्ष जति, कान्तिपुर टिभीमा ६ वर्ष जति, दैनिकी र नागरिकन्युज अनलाइनमा डेढ वर्ष जति काम गरेपछि सन् २००९ देखि अहिलेको संस्थामा जागिरे छु।

धन्नै बिर्सिएको,

सन् २००८ मा यो ब्लग शुरु गर्दा यो ब्लगको नाम काली टाइम्स थियो। म काली गण्डकी (शालीग्राम पाइने)को किनारमा जन्मेको हुँ। डेढगाउँमा। कैयौं दिन अनि कैयौं रात गण्डकी किनारमा कहिले एक्लै, कहिले दुक्लै र कहिले साथीहरूसँग बिताएको हुनाले काली गण्डकीसँग मेरो विशेष लगाव छ। हर्मन हेस्सेको पुस्तक सिद्वार्थ, पारिजातको शिरिषको फूल, सरुभक्तको पागलवस्ती मैले काली गण्डकी किनारमा पढेको थिएँ। जुन म बाँचिन्जेल स्मरणमा रहला, अल्जाइमर्स नलागोस्।

सन् २००८ तिर मैले केही साथीहरूसँग मिलेर काली टाइम्स नामको पत्रिका पनि प्रकाशन गर्थें। त्यसमा गण्डकी प्रदेश अन्तरगत नवलपुर जिल्लाको डेढगाउँ, रकुवा, रुचाङ, नरम, बुलिङटार आदि ठाउँका समाचार, लेख, अन्तरवार्ता छापिन्थे। त्यो बेला देश संघीयतामा गएको तथा प्रदेश बनिसकेको थिएन। आर्थिक अभावका कारण डेढ वर्षपछि त्यो गाउँले पत्रिका नियमित गर्न सकिएन। त्यतिबेलाका केही सामग्री पनि यो ब्लगमा छ।