कलियुगका कुरा: आन्दोलनको मौसममा नेपालका माओवादी सत्तामा

Friday, February 4, 2011

आन्दोलनको मौसममा नेपालका माओवादी सत्तामा

1. आन्दोलने ट्युनिसियामा २३ वर्षदेखि शासन गरेका जिनेअल अविदिनेलाई सत्ताबाट मात्र हैन देशबाटै लगार्यो।
2. आन्दोलनले इजिप्टमा होस्नी मुबारकले आउने असोजमा सत्ता छोड्ने बताइसके पनि छिटो सत्ता छोड्न दबाब दिदै आन्दोलन जारी छ।
3. आन्दोलनकै कारण यमनमा अब्दुल्ला सालेहले चुनाव नलड्ने र छोरालाई पनि राष्ट्रपतिमा नलडाउने बताइसके।
4. सिरियामा आन्दोलनको तिथी आइसक्यो। यहाँ आन्दोलन भए झन् रक्तपात हुने अनुमान छ।
5. आन्दोलन चिनतिर सोझिन सक्छ भन्दै चिन सतर्क।
6. नेपालमा विद्रोह गर्ने भनेका माउवादीले के सोच्दै होलान्.... (झन् सत्तामा पो त)

Realit Bites, Sunita Giri, Lohsirk Po and 19 others like this.
- Rabindra Rijal दाजु, बहाना पनि चाहियो नी अब आन्दोलन गर्ने ! चरा मुसा निस्के पो अब आन्दोलनमा ।
  Wednesday at 10:53pm · · 1 person
- युबराज गौतम दिपकजी पनि काम लाग्ने मान्छे होइनन | प्रधानमन्त्री कपमा भाग लिदै गरेको बेला यो बिद्रोहको कुरा किन सम्झाएको होला,बिर्सिन खोज्दै थिए बिचरा माओवादीहरु|
  Wednesday at 11:18pm · · 5 people
- Adhikari Hari भोलि कुर्सि को के सुरसार हुन्छ अनि फेरी माहिर गफाडी ले भन्ने छन अब हाम्रो अन्तिम लक्ष्य भनेको जनयुद्ध नै हो भनेर ....
  Yesterday at 1:17am · · 1 person
- Anand Sharma http://xnepali.com/np/?p=33
  Dipak's status will also be feature in http://xnepali.com/np - अलिकति फूलबुट्टा भर्ने प्रयासका साथमा |
  Yesterday at 1:20am ·
- Sunita Giri Hey you are pretty fast on getting him on the board.
  18 hours ago · · 1 person
- Kiran Paudyal खै के खै के भन्नुपर्ने भो नेपालमा त ! तर शान्ति र संबिधान नबने पछी एकदिन यस्तो आउला ....... प्रतिक्रियाबादी ,यथास्थितिबादी , बिदेशी का दलालहरु ! तिमीहरुलाई जनता ले उतै उतै खेद्नेछ्न !! सत्तरी बर्ष भो नेपालीले आन्दोलन गर्न लागेको ..सय बर्षै लड़ौला भन्ने हिम्मत कसो नआउला र ??
  16 hours ago ·

No comments:

Post a Comment

Please leave your comment here

को हो?

सन् २००९ देखि २०१३ सम्म मैले लेख्ने फेसबुक स्टाटसको अन्त्यमा 'हास्नुपर्ने कारण धेरै छन् हा हा हा... ' भनेर लेखिएको हुन्थ्यो। त्यही हास्नुपर्ने कारणलाई कोही कोही साथीले 'खुब मन पर्छ त्यसलाई एक ठाउँमा संग्रह गरेर राख् न' भनेर उचालेकाले कली टाइम्स (कलियुगका कुरा) शुरु भएको हो। फेसबुकले स्टाटसमा निश्चित क्यारेक्टर मात्र राख्न दिने हुनाले (त्यतिबेलाका कुरा, अहिले त परिवर्तन भइसक्यो) कतिपय लामा स्टाटस पनि यहाँ हुन्छन्।

र, कहिलेकाँही मलाई लेख्न मन लाओ भने तीन हजार शब्द पनि लेखेको र त्यसलाई यहाँ थुपारेका उदाहरण छन्। त्यसबाहेक मैले कुनै कुनै पत्रिका वा अनलाइनका लागि लेखेको लेखलाई पनि मन लाग्दा लाग्दा यहाँ थुपार्ने गर्छु।

खासमा चाहिँ मेरा बाउआमाले राख्देको नाम दीपक भट्टराई हो। आफैं केही गरेर अरुलाई रोजगार दिने पाइन (खुबी) नभइन्जेल पत्रकारको काम गरिरहेको छु। अहिले बिबिसी मेडिया एक्सन म्यानमारमा सिरिज प्रोड्युसरको काम गर्छु। यस अगाडि २०१७ अक्टुबरसम्म बिबिसी मिडिया एक्सन नेपालले उत्पादन गर्ने साझा सवाल कार्यक्रमको सम्पादक थिएँ। तर मैले यहाँ राख्ने सामाग्रीमा म काम गर्ने संस्थाको कुनै साइनो छैन, 'गोरु बेचेको पनि।' यहाँ राखेका सामाग्री शुद्ध मेरा मनमा लागेका विशुद्ध कुरा हुन्।

सक्रिय पत्रकारिता गर्न थालेको दुई दशक भन्दा धेरै भयो। स्पेसटाइम भन्ने दैनिक पत्रिकामा दुई वर्ष जति, कान्तिपुर टिभीमा ६ वर्ष जति, दैनिकी र नागरिकन्युज अनलाइनमा डेढ वर्ष जति काम गरेपछि सन् २००९ देखि अहिलेको संस्थामा जागिरे छु।

धन्नै बिर्सिएको,

सन् २००८ मा यो ब्लग शुरु गर्दा यो ब्लगको नाम काली टाइम्स थियो। म काली गण्डकी (शालीग्राम पाइने)को किनारमा जन्मेको हुँ। डेढगाउँमा। कैयौं दिन अनि कैयौं रात गण्डकी किनारमा कहिले एक्लै, कहिले दुक्लै र कहिले साथीहरूसँग बिताएको हुनाले काली गण्डकीसँग मेरो विशेष लगाव छ। हर्मन हेस्सेको पुस्तक सिद्वार्थ, पारिजातको शिरिषको फूल, सरुभक्तको पागलवस्ती मैले काली गण्डकी किनारमा पढेको थिएँ। जुन म बाँचिन्जेल स्मरणमा रहला, अल्जाइमर्स नलागोस्।

सन् २००८ तिर मैले केही साथीहरूसँग मिलेर काली टाइम्स नामको पत्रिका पनि प्रकाशन गर्थें। त्यसमा गण्डकी प्रदेश अन्तरगत नवलपुर जिल्लाको डेढगाउँ, रकुवा, रुचाङ, नरम, बुलिङटार आदि ठाउँका समाचार, लेख, अन्तरवार्ता छापिन्थे। त्यो बेला देश संघीयतामा गएको तथा प्रदेश बनिसकेको थिएन। आर्थिक अभावका कारण डेढ वर्षपछि त्यो गाउँले पत्रिका नियमित गर्न सकिएन। त्यतिबेलाका केही सामग्री पनि यो ब्लगमा छ।