कलियुगका कुरा: पेट्रोल पम्पमा फेरि किन लाइन ?

Wednesday, February 2, 2011

पेट्रोल पम्पमा फेरि किन लाइन ?

वक्यौता तिर्न बाँकी भएर भारतबाट पेट्रोलियम पदार्थ नआएकाले काठमाडौंका पेट्रोल पम्पमा लाइन बढेका भनेर पत्रिकामा छापेर क्यार्नु ? म आएको माइक्रो बसको ड्राइभरले 'नेपालमा माओवादीको नेतृत्वमा सरकार बन्न लाग्या भएर दबाब दिन भारतले तेल रोक्न खोज्या हो' भनेर जिद्धि गरिरहे। हामी नेपालीको वुद्धि....(हास्नुपर्ने कारण धेरै छन् हा हा हा...)

Prajjwal Chapagain, Nira Ranabhat, Kuvera Chalise and 30 others like this.
- Subas Pokharel मन घोच्ने तर हाँस्न मन लाग्ने कुरा धेरै छन्......!!!
  Yesterday at 9:25am · · 1 person
- Jaw Knock Raazaa धन्न त्यती मात्रै भनेछ । त्यल्ले जान्या थेन होला । नत्र बिदेसी प्रभु का कुरा नगरि के छोड्थे ?
  Yesterday at 9:50am · · 2 people
- Rajendra Aryal hahahhahha
  Yesterday at 11:26am ·
- Ramkrishna Chaulagain ha ha ha ......yo haso tyo Driver through nepali janatako rajnitik chetana prati ko haina ....Baru tapaiko NEPALI MEDIA prati ko biswasko ho !!! ..... ha ha ha...
  23 hours ago · · 5 people
- Ujwal Ojha त्यो ड्राइभरले जस्तै कुराको गम्भिरतालाइ नबुझी अती चाडो प्रतिकृया दिइहाल्ने र शंका गरिहाल्ने परबृतीले गर्दानै हामी पछि परेका हौ की जस्तो लाग्छ मलाइ त ।
  22 hours ago ·
- Prakash Khatiwada Upadhaya ड्राईभरले त हो कि ? भन्ने क्षणभरको भ्रम त उत्पन्न गरो यहां त अस्ती पुर्व िभत्री मधेसको हांसपाल्ने गाउमा कुन चाहिने हो ठुलै नेताज्युले अाफै वि. िप. कोईरालासंग दाजीदै गरेको खबर पनि छापामा अाएको िथयो ।
  21 hours ago ·
- P.b. Shah driver ko jati pani buddhi rahena 6 tapaiko ......lol
  18 hours ago ·
- अन्नंतयात्री सुरेश बस्नेत बिबश sahi kuro ho driver daiko .......
  17 hours ago ·
- Kamred Hulaki as oil price is going up due to egypt crisis, our oil mafia is creating artifical shortage for obvious reasons ...
  16 hours ago · · 2 people
- Ganesh Baniya Supported Kamred's view
  15 hours ago ·

No comments:

Post a Comment

Please leave your comment here

को हो?

सन् २००९ देखि २०१३ सम्म मैले लेख्ने फेसबुक स्टाटसको अन्त्यमा 'हास्नुपर्ने कारण धेरै छन् हा हा हा... ' भनेर लेखिएको हुन्थ्यो। त्यही हास्नुपर्ने कारणलाई कोही कोही साथीले 'खुब मन पर्छ त्यसलाई एक ठाउँमा संग्रह गरेर राख् न' भनेर उचालेकाले कली टाइम्स (कलियुगका कुरा) शुरु भएको हो। फेसबुकले स्टाटसमा निश्चित क्यारेक्टर मात्र राख्न दिने हुनाले (त्यतिबेलाका कुरा, अहिले त परिवर्तन भइसक्यो) कतिपय लामा स्टाटस पनि यहाँ हुन्छन्।

र, कहिलेकाँही मलाई लेख्न मन लाओ भने तीन हजार शब्द पनि लेखेको र त्यसलाई यहाँ थुपारेका उदाहरण छन्। त्यसबाहेक मैले कुनै कुनै पत्रिका वा अनलाइनका लागि लेखेको लेखलाई पनि मन लाग्दा लाग्दा यहाँ थुपार्ने गर्छु।

खासमा चाहिँ मेरा बाउआमाले राख्देको नाम दीपक भट्टराई हो। आफैं केही गरेर अरुलाई रोजगार दिने पाइन (खुबी) नभइन्जेल पत्रकारको काम गरिरहेको छु। अहिले बिबिसी मेडिया एक्सन म्यानमारमा सिरिज प्रोड्युसरको काम गर्छु। यस अगाडि २०१७ अक्टुबरसम्म बिबिसी मिडिया एक्सन नेपालले उत्पादन गर्ने साझा सवाल कार्यक्रमको सम्पादक थिएँ। तर मैले यहाँ राख्ने सामाग्रीमा म काम गर्ने संस्थाको कुनै साइनो छैन, 'गोरु बेचेको पनि।' यहाँ राखेका सामाग्री शुद्ध मेरा मनमा लागेका विशुद्ध कुरा हुन्।

सक्रिय पत्रकारिता गर्न थालेको दुई दशक भन्दा धेरै भयो। स्पेसटाइम भन्ने दैनिक पत्रिकामा दुई वर्ष जति, कान्तिपुर टिभीमा ६ वर्ष जति, दैनिकी र नागरिकन्युज अनलाइनमा डेढ वर्ष जति काम गरेपछि सन् २००९ देखि अहिलेको संस्थामा जागिरे छु।

धन्नै बिर्सिएको,

सन् २००८ मा यो ब्लग शुरु गर्दा यो ब्लगको नाम काली टाइम्स थियो। म काली गण्डकी (शालीग्राम पाइने)को किनारमा जन्मेको हुँ। डेढगाउँमा। कैयौं दिन अनि कैयौं रात गण्डकी किनारमा कहिले एक्लै, कहिले दुक्लै र कहिले साथीहरूसँग बिताएको हुनाले काली गण्डकीसँग मेरो विशेष लगाव छ। हर्मन हेस्सेको पुस्तक सिद्वार्थ, पारिजातको शिरिषको फूल, सरुभक्तको पागलवस्ती मैले काली गण्डकी किनारमा पढेको थिएँ। जुन म बाँचिन्जेल स्मरणमा रहला, अल्जाइमर्स नलागोस्।

सन् २००८ तिर मैले केही साथीहरूसँग मिलेर काली टाइम्स नामको पत्रिका पनि प्रकाशन गर्थें। त्यसमा गण्डकी प्रदेश अन्तरगत नवलपुर जिल्लाको डेढगाउँ, रकुवा, रुचाङ, नरम, बुलिङटार आदि ठाउँका समाचार, लेख, अन्तरवार्ता छापिन्थे। त्यो बेला देश संघीयतामा गएको तथा प्रदेश बनिसकेको थिएन। आर्थिक अभावका कारण डेढ वर्षपछि त्यो गाउँले पत्रिका नियमित गर्न सकिएन। त्यतिबेलाका केही सामग्री पनि यो ब्लगमा छ।