कालीटाइम्स संवाददाता
मचेंडी, मिथकुरम
तनहुको करुवाटार र बटौलीटारको बीच तथा मचेडीको किपेनी भन्ने ठाउँमा झोलुङ्गे पुल निर्माण हुने भएको छ । स्थानीय बासिन्दाको माग अनुसार पुल निर्माण कार्य आउँदो असोजबाट सुरु हुने बताइएको छ ।
माइतीघाटमा बन्ने पुलबाट नवलपरासीका भारतीपुर, मिथुकरम, जौवारी, नरम, रुचाङ्ग गा.वि.स. का जनता तथा तनहुँका पनि केही गा.वि.स.का जनता लाभान्वित हुन्छन् । झोलुङ्गे पुल बनेपछि कावासोती र दलदलेबाट ल्याइने खाद्यान्न तथा अन्य सरसामान तनहुँ सम्म पनि आइपुग्नेछ ।
पुल बनेपछि करुवाटार र बटौलीटारका बासिन्दा ४५ मिनेटमा नै डेढगाउँ आउँन सक्छन् । यस अगाडि खर्सानटार पुलको प्रयोग गर्दै डेढगाउँ आवत जावत गर्दा करुवाटार र त्यस वरिपरिका बासिन्दालाई दुई तीन घण्टा फेरो बाटो हिड्नुपथ्र्यो ।
