Saturday, July 5, 2008

"खयरकाठ विक्री पछि गाउँ झलमल्ल"

तुल्सीराम गौतम
भारतीपुर, नवलपरासी
विकट पहाडी गा.वि.स. भारतीपुरको वडा नं. ६ र ८ मा सामुदायिक वनको खयर काठ बिक्री गरेको आम्दानीबाट गाउलेले सौर्य विद्युत प्रयोग गरी गाउँ झलमल्ल पारेका छन् । पेट्रोलियम पदार्थको मुल्यबृद्धि पछि मट्टितेल किन्न असमर्थ गाउँलेहरु, अहिले उज्यालोमा बस्ने मौका पाएका छन् भने बालबालिकाले पनि सहज तरिकाले पढन् पाएका छन्।
देउपुर सामुदायिक वन भारतीपुर-८ को ३०१५ क्यु.फिट खयर काठ र ठूलोपाखा सामुदायिक वनको २०४१ क्यु.फिट खयरकाठ बिक्री गरी संयुक्त रुपमा नवज्योति सौर्य उर्जा प्रा.लि.सँग संझौता गरी २०६४ चैत्र महिना देखि निरन्तर रुपमा बत्ती बलिरहेको देउपुर सामुदायिक वन उपभोक्ता समूहका कोषाध्यक्ष उदयराज गौतमले बताउनुभयो।
हाल सम्म २ पटक काठ बिक्री गरिसकिएको र गत वर्षको रकमबाट बालहित प्रा.वि. भवन निर्माण गरिएको र अहिलेको रकमबाट सौर्य विद्युत ल्याइएको हो । यसबाट २ वडा का ४६ घरपरिवार लाभाम्वित भएको हलो पाखा सामुदायिक वन उपभोक्ता समूहका सचिव टक बहादुर रानाले जानकारी दिनुभयो ।