Monday, May 12, 2008

काली टाइम्सद्वारा डेढगाउँ भित्रको चासो र सरोकार विषयमा अन्तरक्रिया

वृन्दा कोइराला
डेढगाउँ

विगत तीन वर्षदेखि साधारण सभा हुन नसकेको र नयाँ सदस्यता पनि वितरण नगरेको जनशक्ति युवा क्लबका पदाधिकारीले यसै महिना भित्र सदस्यता वितरण गरी छिट्टै साधारणसभा गर्ने बताएका छन् ।

कालीटाइम्स पत्रिकाले यही वैशाख २ गते डेढगाउँमा गरेको डेढगाउँ भित्रको चासो र सरकोकार विषयक अन्तरक्रियामा क्लबका अध्यक्ष छविलाल ओझाले क्लबमा करिब ३० हजार रुपैया भएको जानकारी पनि दिनुभयो । ओझाले साधारण सभा गरेर क्लबलाई अगाडि बढाउन नसकिए क्बलसँग भएको रकम र्सार्वजनिक हितमा खर्च गरिने बताउनुभयो ।

अन्तरक्रियामा जल उपभोक्ता समितिका सचिव नारायण ओझाले नहर पुन निर्माण गर्न जिल्ला सिंचाई कार्यालयसँग तार जालीको माग भइरहेको बताउनुभयो । उहाँले जिल्लाबाट तार जाली नआए पनि जल उपभोक्ताहरुसँग रोपनीका हिसाबले रकम उठाएर भए पनि यसपटक खेतीका लागि पानी ल्याइछाड्ने प्रतिवद्धता व्यक्त गर्नुभयो ।

विद्युत, विद्यालय र बाटो सहितका विषयमा पनि छलफल गर्न अन्तरक्रियाको आयोजना गरिएको भए पनि सम्वन्धित धेरै व्यक्तिहरुको उपस्थिति कार्यक्रममा भएन । कार्यक्रममा युवाहरु इश्वर श्रेष्ठ र सन्तोष ओझाले विभिन्न जिज्ञासा व्यक्त गर्नुभएको थियो ।

कार्यक्रममा सहकारीका अध्यक्ष धर्म माली, प्रतिभा अँग्रेजी स्कूलका यादव ओझा, समाजसेवी होमनाथ भट्टर्राई, लोकनाथ पोख्रेल, भागिरथी ओझा, ज्ञानबहादुर सारु, बलबहादुर सिंजाली, माओवादीका प्रतिनिधि पहल र्सींह वि.क. सहितका व्यक्तिहरु सहभागी हुनुहुन्थ्यो । सहभागीहरुले यस्ता अन्तरक्रिया समय समयमा भइरहनुपर्नेमा जोड दिएका थिए ।

No comments:

Post a Comment

Please leave your comment here